“ဝါဆိုသင်္ကန်း ဖြစ်ပေါ်လာပုံ”

“ဝါဆိုသင်္ကန်း ဖြစ်ပေါ်လာပုံ”

ဝိသာခါကျောင်းအစ်မကြီးဆိုတာ အားလုံးသိတဲ့အတိုင်း သာသနာမှာ အလှူဒါန ရက်ရောသူအဖြစ် သာသနာ့မိခင်ကြီးအဖြစ်၊ သောတာပန်အလှမိဖုရားအဖြစ်၊ ရဟန်းတော်များရဲ့ ရေတွင်းရေကန်ပမာအဖြစ် ထွန်းသစ်ထင်ရှားခဲ့တဲ့ အမျိုးသမီးတစ်ဦးဖြစ်ပါတယ်။ဂုဏ်ယူဖွယ်ရာအကြောင်းတွေ အများကြီးရှိခဲ့ပါတယ်။

သာဝတ္ထိမြို့ရဲ့ အရှေ့ဘက်မှာ တိုက်ခန်းပေါင်း တစ်ထောင်ရှိတဲ့ ပုဗ္ဗာရုံကျောင်းကြီး လှူထားခဲ့တဲ့ ကျောင်းအစ်မကြီးတစ်ဦးဖြစ်ခဲ့သလို၊သားသမီး(၂၀)၊ မြေး(၄၀၀)၊ မြစ်(၈၀၀၀) နဲ့ အခြွေအရံလည်း များခဲ့တဲ့ အမျိုးသမီးလည်းဖြစ်ခဲ့ပါသေးတယ်။

ထိုမျှမကသေး ဘာသာဝါဒမတူတဲ့ “မိစ္ဆာဒိဋ္ဌိမိဂါရသူဌေး”နဲ့ မိသားစုတို့ကို ဗုဒ္ဓဘာသာဖြစ်အောင် စည်းရုံးနိုင်ခဲ့တဲ့ အမျိုးသမီးဖြစ်ခဲ့ပါတယ်။မြတ်စွာဘုရား ဇေတဝန်ကျောင်းတော်မှာ သီတင်းသုံးတော့ ဝိသာခါက ဆွမ်းစားပင့်ပါတယ်။ အဲဒီညလွန်တော့ လေးကျွန်းလုံးအနှံ့ မိုးကြီးရွာသွန်းပါတယ်။

မြတ်စွာဘုရားရှင်က ရဟန်းတို့ ဇေတဝန်ကျောင်းမှာရွာသလို၊ လေးကျွန်လုံးအနှံ့မှာလည်း မိုးရွာတယ်။ သင်တို့မိုးရေချိုးကြ။ ဒီမိုးကြီးဟာ လေးကျွန်းလုံးနှံ့တဲ့ နောက်ဆုံးမိုးပဲ ဟု မိန့်တော်မူပါတယ်။

ရဟန်းတော်များဟာ သင်္ကန်းအပိုအလှူခံခွင့် မရှိသေးတာကြောင့် မိုးရေခံ သင်္ကန်းမပါဘဲ မိုးရေချိုးနေကြတဲ့အချိန် ဝိသာခါလွှတ်လိုက်တဲ့ အိမ်ဖော်မလေး ကျောင်းလာဆွမ်းစားချိန်ရောက်ကြောင်း လျှောက်ထားဖို့လာတဲ့အခါ၊ အဝတ်မပါဘဲ မိုးရေချိုးနေကြတဲ့ ရဟန်းတော်များကိုမြင်တော့ ဒီအရာမ်အတွင်းမှာ ရဟန်းတွေ မရှိဘူး။

အာဇီဝတက္ကတွန်းတွေသာ မိုးရေချိုးနေကြတယ်လို့တွေးပြီး ရဟန်းတွေကို မပင့်ခဲ့ဘဲ အိမ်ပြန်သွား ဝိသာခါကို အကြောင်းစုံပြန်ပြောတယ်။ဝိသာခါက ပညာရှိတယ်။ လိမ္မာယဉ်ကျေးတယ်။ အတွေးအခေါ်လျင်မြန်ထက်မြက်တယ်။ရဟန်းတော်တွေ မိုးရေးခံသင်္ကန်းမပါဘဲ မိုးရေချိုးနေကြတာဖြစ်မယ် စဉ်းစားပြီး အိမ်ဖော်မလေးကို ဆွမ်းစားချိန်ရောက်ကြောင်း ထပ်မံ အပင့်ခိုင်းပြန်တယ်။

အဲဒီအချိန် ရဟန်းတော်များဟာ ရေချိုးပြီးလို့ တင့်တင်တယ်တယ် သပ္ပါယ်စွာ ဝတ်ရုံထားကြပြီးဖြစ်တယ်။ကျောင်းတွင်းမှာ တိတ်ဆိတ်ငြိမ်သက်စွာ သီတင်းသုံးနေကြပြီဖြစ်တယ်။ ရဟန်းတစ်ပါးမျှ ကျောင်းမှာမရှိဘူး။တစ်ကျောင်းလုံးတိတ်ဆိတ်နေတယ်လို့ အိမ်ဖော်မလေးကပြန်လာပြီး ဝိသာခါကို ပြောပြန်တယ်။

ဝိသာခါက အခြေအနေကို စဉ်းစားမိပြီး ထပ်မံလွှတ်ရပြန်တယ်။ ဒီတော့မှ မြတ်စွာဘုရားရှင်နဲ့ သံဃာတော်တွေ အိမ်ကြွလာတော်မူကြတယ်။မိုးရွာပြီးစ ရေစီးအဟုန်တွေများနေပေမယ့် မြတ်စွာဘုရားနဲ့ သံဃာတော်တို့ရဲ့ ခြေတော်တွေ သင်္ကန်းတော်တွေမှာ ရေစိုစွတ်ခြင်း မရှိတာမြင်တော့ ဝိသာခါ အံ့သြဝမ်းသာဖြစ်ကာ ဆွမ်းကပ်လှူ၊ ဒီနောက် မြတ်စွာဘုရားထံမှာ ဆု(၈)ပါးလျှောက်ထားတောင်းဆိုပါတယ်။

အဲဒီဆု(၈)ပါးက

၁။ အရှင်ဘုရား တပည့်တော်မသည် သံဃာတော်များအား အသက်ထက်ဆုံး မိုးရေခံသင်္ကန်း လှူလိုပါ၏။

၂။ ဧည့်သည် အာဂန္တုတို့အား ဆွမ်းလှူလိုပါ၏။

၃။ ခရီးသွားရဟန်းတို့အား ဆွမ်းလှူလိုပါ၏။

၎။ သူနာရဟန်းတို့အား ဆွမ်းလှူလိုပါ၏။

၅။ သူနာပြု ရဟန်းတို့အား ဆွမ်းလှူလိုပါ၏။

၆။ သူနာရဟန်းတို့အား ဆေးလှူလိုပါ၏။

၇။ အမြဲ ယာဂု လှူလိုပါ၏။

၈။ ဘိက္ခုနီသံဃာအား ရေသနုပ်လှူလိုပါ၏။ ဆိုတဲ့ ဆု(၈)မျိုးပါ။

ဝိသာခါ သင် ဘယ်လိုအကျိုးထူး ကျေးဇူးတွေမြင်လို့ ဒီဆုတွေတောင်းတာလဲ လို့ မြတ်စွာဘုရားရှင်က မေးတော့ အိမ်ဖော်မလေးပြောတဲ့စကားပြန်လျှောက်ပါတယ်။အရှင်ဘုရား အဝတ်မစည်း အချည်းအနှီးနေခြင်းဟာ စက်ဆုပ်ရွံရှာဖွယ်ရှိလို့ မစင်ကြယ်ပါ။ ဒီအကျိုးမြင်လို့ ရဟန်းသံဃာတော်အား အသက်ထက်ဆုံး မိုးရေခံသင်္ကန်း လှူဒါန်းလိုပါတယ်ဘုရား။

ဧည့်သည် အာဂန္တု ရဟန်းများ ခရီးမကျွမ်းကျင်လို့ ဆွမ်းကိစ္စ အခက်အခဲ ကြုံတတ်ပါတယ်။ တပည့်တော်မ လှူတဲ့ဆွမ်းကို ဘုဉ်းပေးပြီးမှ ခရီးလမ်းသိ ဆွမ်းခံကျွမ်းကျင်မှု ရှိပါလိမ့်မယ်။ ဒါကြောင့်လည်း ဧည့်သည်အာဂန္တုရဟန်းတို့ကို ဆွမ်းလှူဒါန်းလိုပါတယ်ဘုရား။

ခရီးသွားရဟန်းများ ဆွမ်းရှာနေရပါက အဖော်များပြတ်ကျန် နေပါလိမ့်မယ်။ သွားချင်တဲ့ကျောင်းကိုလည်း
အချိန်အခါမဲ့မှ ရောက်သွားပါလိမ့်မယ်။ တပည့်တော်လှူတဲ့ဆွမ်းကို ဘုဉ်းပေးရပါက အဲဒီဒုက္ခမှ ကင်းဝေးပါမယ်။ ဒါကြောင့် အသက်ထက်ဆုံးခရီးသွားသံဃာအား ဆွမ်းလှူဒါန်းလိုပါတယ်ဘုရား။

ဖျားနာတဲ့ရဟန်းမှာ လျောက်ပတ်တဲ့ဘောဇဉ် မရပါက အနာတိုးပွားနိုင်သလို အသက်အန္တရာယ်လည်း ကြုံတွေ့နိုင်ပါတယ်။ တပည့်တော်လှူတဲ့ ဘောဇဉ်စားသောက်ရပါက ဒီအန္တရာယ်ကင်းပါလိမ့်မယ်။ ဒါကြောင့် သူနာရဟန်းများကိုလည်းအသက်ထက်ဆုံး ဆွမ်းလှူဒါန်းလိုပါတယ်။ဘုရား။

သူနာပြု(ဖျားနာနေသော ရဟန်းအား လုပ်ကျွေးပြုစုသူ) ရဟန်းများ ကိုယ်တိုင်ဆွမ်းရှာနေရပါက သူနာရဟန်းအား ပြုစုရမယ့်ကိစ္စတွေ လစ်ဟင်းနေပါလိမ့်မယ်။ ဒါကြောင့် သူနာပြု ဂိလာနုပဋ္ဌာက ရဟန်းများကိုလည်း
အသက်ထက်ဆုံး ဆွမ်းလှူဒါန်းလိုပါတယ်ဘုရား။

သူနာရဟန်းမှာ လျောက်ပတ်တဲ့ ဆေးဝါးမရပါက ရောဂါတိုးပွားပါလိမ့်မယ်။ ဒါကြောင့် အသက်ထက်ဆုံး သူနာရဟန်းအား ဆေးဝါးလှူဒါန်းလိုပါတယ်ဘုရား။အရှင်ဘုရားက အန္ဓကဝိန္ဒမြို့မှာ “ယာဂုအကျိုးဆယ်မျိုး”ရှိတယ်လို့ ဟောကြားခွင့်ပြုတာကြောင့် ရဟန်းသံဃာအား တပည့်တော်မ အသက်ထက်ဆုံး “ယာဂုလှူလိုပါတယ်”ဘုရား။

အမျိုးသမီးရဟန်းများ အစီရဝတီမြစ်မှာ ပြည့်တန်ဆာမများတို့နဲ့ ရေဆိပ်တစ်ခုတည်းမှာ အဝတ်မစည်း ရေချိုးနေကြလို့ ပြည့်တန်ဆာမများက ရဟန်းမ ဘိက္ခုနီတို့ကို ပြက်ရယ်လှောင်ပြောင်ကြပါတယ်။ ဒါကြောင့် ဘိက္ခုနီသံဃာအား အသက်ထက်ဆုံး ရေသနုပ်(ရေလဲသင်္ကန်း) လှူဒါန်းလိုပါတယ်ဘုရားဟု ဒီဆု(၈)မျိုးကို ဝိသာခါဒကာမကြီးက တောင်းခံခဲ့တာပါ။

သံဃာများ ချမ်းသာစေလိုတဲ့ ဒီဆုတွေ ဝိသာခါတောင်းတာဟာ သာသနာအကျိုးကြည့်တာရယ်၊ သူကိုယ်တိုင် နောင်အချိန်မှာဝမ်းသာပီတိနဲ့ သဒ္ဓါပွားချင်တာရယ်ကြောင့် တောင်းထားတာဖြစ်ပါတယ်။

မြတ်စွာဘုရားရှင်က ခွင့်ပြုတော်မူခဲ့လို့ ဒီနေ့ ဗုဒ္ဓဘာသာဝင် အမျိုးသား ၊အမျိုးသမီးများ အနေဖြင့် ဝိသာခါကျောင်းအစ်မကြီးရဲ့ ဆုရှစ်မျိုးထဲက တစ်ခုအပါအဝင်ဖြစ်တဲ့ ဝါဆိုသင်္ကန်းကို လှူဒါန်းနေကြတာဖြစ်ပါတယ်။ဒါက ဝိသာခါကျောင်းအစ်မကြီး တောင်းခံခဲ့လို့ “ဝါဆိုသင်္ကန်း”ရယ်လို့ ပေါ်ပေါက်လာခဲ့ခြင်းဖြစ်ပါတယ်။

သာဝတ္ထိမြိုကို ကြွဖူးတဲ့ ရဟန်းဖြစ်ပါက ဝိသာခါရဲ့ သင်္ကန်း ဆွမ်း စတဲ့အလှူကို တစ်မျိုးမျိုးတော့ ရရှိအလှူခံဖူးမှာပဲ။ အဲဒီရဟန်းတော်များ တရားထူးရတယ်ဆိုပါက ဝိသာခါကျောင်းအစ်မကြီးရဲ့ ကျေးဇူးလည်း ရှိဖူးပြီပဲလို့ တွေးမိရင် ဝိသာခါက ဝမ်းမြောက်မယ်၊ နှစ်သက်မယ်၊ငြိမ်းအေးမယ်။ ချမ်းသာမယ်။ တည်ကြည်မယ်။

ဣနြေ္ဒဗိုလ်၊ ဗောဇ္ဈတရားများ တိုးပွားမယ်။ ဒီအာနိသင်တွေ့မြင်လို့ ဆု(၈)ပါးကို တောင်းခံခဲ့တာဖြစ်ပါတယ်လို့ ရေးသားရင်း နိဂုံးချုပ်လိုက်တော့၏။စာဖတ်သူအားလုံးသက်ရှည်ကျန်းမာစိတ်ချမ်းသာ၍ လိုရာဆန္ဒများတစ်လုံးတစ်ဝတည်းပြည့်ဝကြပါစေ။

ဝါဆိုသင်္ကန်းနှင့်မိုးရေခံသင်္ကန်း

ဝါဆိုသင်္ကန်းနှင့် မိုးရေခံသင်္ကန်းကို အတူတူဟု ရေးသားထားသည်ကို တွေ့ရပါသည်။မဟုတ်ပါ ၊ဝါဆိုသင်္ကန်းနှင့် မိုးရေခံသင်္ကန်း လုံးဝမတူပါ။

သင်္ကန်း(၂)မျိုး

ဝါဆိုသံဃာအား လှူဒါန်းသောသင်္ကန်းကို ဝါဆိုသင်္ကန်း၊မိုးရေချိုးရာတွင် ဝတ်၍ချိုးရသော(ရေသနုပ်)ကို မိုးရေခံသင်္ကန်းဟု ခေါ်ဆို၏။ဝါဆိုသင်္ကန်းကို ၀ဿာဝါသိက။မိုးရေခံသင်္ကန်းကို ၀ဿိကသာဋိက-ဟု ဆိုပါသည်။မိုးရေခံသင်္ကန်းသည် သင်္ကန်း(၉)ထည်တွင် အမည်သီးသန့် ပါဝင်၏။

ဝါဆိုသင်္ကန်းကား ဧကသီ သင်းပိုင်ဖြစ်၍ သီးသန့်မပါ။သာသနာခေတ်ဦး၌ ကုသိုလ်ရှင်တို့ လှူဒါန်းသောသင်္ကန်းတို့ကို သံဃာများ အလှူခံခွင့် လုံးဝမရှိ။အမှိုက်ပုံ၌ စွန့်ပစ်ထားသော၊လူသေကောင်၌ ရစ်ပတ်ထားသောအဝတ်များကို ကောက်ယူပြီး ဖွတ်လျော်ချုပ်ဆိုးဝတ်ကြရ၏။

ပံ့သကူသင်္ကန်း-ဟု ဆို၏။ဗုဒ္ဓသာသနာကို ဆေးဆရာဇီဝက ကြည်ညိုလာသောအခါ ဆေးကုသ၍ရသောအဝတ်တို့ကို သင်္ကန်းအဖြစ်လှူဒါန်းလိုကြောင်း တောင်းပန်လျှောက်ထားသဖြင့် သံဃာတော်တို့အား လူများ လှူဒါန်းသည့် သင်္ကန်းများကို အလှူခံ ခွင့်ပြုလိုက်ပါသည်။ဒကာ/ဒကာမတို့ လှူဒါန်းသည့် သင်္ကန်းများကို ဂဟပတိစီဝရ-ဟု ခေါ်ဆိုပါသည်။

သင်္ကန်းသည် အချုပ်အားဖြင့် ပံ့သုကူလစီဝရ-ပံ့သကူသင်္ကန်း၊ဂဟပတိစီဝရ-ဒကာဒကာမတို့လှူသောသင်္ကန်းအားဖြင့် (၂)မျိုးသာရှိ၏။ဝါဆိုသင်္ကန်းသည် ဂဟပတိစီဝရ အမျိုးအစား ဖြစ်ပါသည်။

ဝါဆိုသင်္ကန်း ဖြစ်ပေါ်လာပုံ

ဘုရားရှင်လက်ထက်တော်က ကျောင်းမှန်သမျှ သံဃာပိုင်ကျောင်းများ ဖြစ်ကြ၏။ထိုသံဃိကကျောင်းတွင် သီတင်းသုံးနေထိုင်သော ရဟန်းတော်ကိုကျောင်းဒကာ/ကျောင်းအမတို့ က“မိမိတို့ လှူဒါန်းထားတဲ့ကျောင်းမှာ ဝါတွင်းသုံးလလုံး သီတင်းသုံးဖေါ်ရတယ်။ကျောင်းကို သုတ်သင်ပြင်ဆင် ဖေါ်ရတယ်။

ကျေးဇူးများလှတယ်´´ ဟု ကြံ တွေးကြလျှက် ကျေးဇူးဆပ်သည့် အနေဖြင့်သော်လည်းကောင်း၊ ကျောင်း ဒကာ/ ကျောင်းအမ မဟုတ်သော်လည်း“ဝါဆိုဝါကပ် သိက္ခာပုဒ် အကျင့်မြတ်ကို ဖြည့်ကျင့်တော်မူကြတယ်´´ဟု ကြံတွေပြီးကြည်ညိုသော အားဖြင့်လည်း ကောင်း ဝါကျွတ်ရာအခါ၌ ဝါဆိုပြီး သံဃာအား ရည်မှန်းလျှက် သင်္ကန်း လှူဒါန်းကြ၏။ထိုသင်္ကန်းကို ဝါဆိုသင်္ကန်း-ဟု ခေါ်ဆိုရ၏။

ထိုစဉ်က ဝါဆိုသင်္ကန်းကို ဝါကျွတ်ချိန်တွင် လှူဒါန်းရ၏။ ဝါဆိုသင်္ကန်း အလှူခံခွင့်ကို မြတ်စွာဘုရားသည် ဝါမှထချိန် (ဝါကျွတ်ချိန်)၌သာ အလှူခံခွင့်ရှိ၏-ဟု ဦးစွာ ပညတ်တော်မူသောကြောင့် ဖြစ်၏။သီတင်းကျွတ်လဆန်း(၅)ရက်နေ့သည် ဝါကျွတ်ဖို့ (၁၀)ရက်မျှလိုနေသေး၏။

ထိုနေ့တွင် စစ်ဘက်ဆိုင်ရာ အမတ်ကြီးတစ်ဦးသည် အရေးပေါ်စစ်ဆင်ရေး ခရီးထွက်ရမည် ဖြစ်၍ မထွက်မီ ဝါဆိုသင်္ကန်းလှူဒါန်း သွားချင်သဖြင့် ရဟန်းတော်များကို ပင့်စေရာ၊ရဟန်းတော်များက “မြတ်စွာဘုရားက ဝါမှထပြီးတဲ့(ဝါဆိုပြီးတဲ့)သံဃာကိုသာ ဝါဆိုသင်္ကန်း အလှူခံဖို့ ခွင့်ပြုထားတာ၊ယခု ဝါမကျွတ်သေးဘူး၊ဝါကျွတ်ရန် လိုသေးတယ်´´-ဟု ကြံတွေးလျှက် အလှူခံ မသွားကြ။

ထိုအခါ အမတ်ကြီးက “ငါက စစ်ဆင်ရေး သွားရမှာ၊စစ်တိုက်ခြင်းကားသမယ်/ရှင်မယ်ဆိုတာ မသိနိုင်၊ ဘာလို့ အရှင်မြတ်တွေက လာပြီး သင်္ကန်းအလှူ မခံနိုင်ကြရတာပါလဲ´´ ဟု ကဲ့ရဲ့ပါသည်။ထိုအကြောင်းကို မြတ်စွာဘုရားအား လျှောက်ထားကြသဖြင့်….

အောက်ပါပုဂ္ဂိုလ်များက “ဝါဆိုသင်္ကန်းပါ´´ ဟု လျှောက်ထား လှူဒါန်းလာသော် အရေးပေါ်(အစ္စေက)သင်္ကန်းဟု အမည်တပ်လျှက် အလှူခံ၍ သီးသန့် မှတ်သား ထားပြီး သီတင်းကျွတ်လပြည့်နေ့ ပဝါရဏာပြုပြီးမှ ဝတ်ရုံနိုင်ခွင့်ရှိ၏။ပဝါရဏာမပြုမီ ဝတ်လိုသော် ဝါကျိုးဝါပျက်သူ မဖြစ်ရ။

ဝါဆိုသင်္ကန်း လှူဒါန်းခွင့် ရှိသူများ

(၁) စစ်ထွက် သွားမည့်သူ၊

(၂) အရပ်တစ်ပါး ခရီးသွားမည့်သူ၊

(၃) ရောဂါဝေဒနာ ဖိစီးနှိပ်စက် ခံနေရသူ၊

(၄) မီးဖွားခါနီး မိခင်လောင်း၊

(၅) ယခင်က သဒ္ဓါတရားမရှိ၊ယခုချက်ချင်း သဒ္ဓါတရား ပေါ်ပေါက်လာသူ၊

(၆) သာသနာတော်ကို ယခုမှ ကြည်ညိုလာသူတို့ ဖြစ်ကြသည်။

ယင်းပုဂ္ဂိုလ်တို့က “၀ဿာဝါသိကံ ဒဿာမိ- ဝါဆိုသင်္ကန်းပါဘုရား´´ဟု အမည်တပ် လှူဒါန်းလာခဲ့သော် ဝါ မကျွတ်သေးသော်လည်း အလှူခံနိုင်ခွင့်ရှိသည်။ယင်းပုဂ္ဂိုလ်များသည် အချိန်မရွှေး ရှိနိုင်သဖြင့် ဝါဆိုသင်္ကန်းကို အချိန်မရွေး လှူဒါန်းနိုင်၊အချိန်မရွေးအလှူ ခံနိုင်ခွင့်ရှိသည်ကို မှတ်သားကြရပါမည်။

သင်္ကန်းနှင့်စပ်၍ ဝိနည်းကံ

ကထိန် မဖြစ်ပါက တန်ဆောင်မုန်းလပြည့်ထိ(၁)လ၊ကထိန်ဖြစ်က တပေါင်းတိုင်(၅)လသည် သင်္ကန်းအလှူခံခွင့်ရှိရာကာလ ဖြစ်၏။ကထိန်မဖြစ်က(၁၁)လ၊ကထိန်ဖြစ်က(၇)လ သည် သင်္ကန်းအလှူခံခွင့် မရှိ။ထိုအကာလသင်္ကန်းချိန်တွင် သင်္ကန်းလှူဒါန်းသူရှိခဲ့သော် (၁၀)ရက်မျှသာ သိမ်းဆည်းထားခွင့်ရှိ၏။

ရက်ပိုထားလိုသော် အဓိဋ္ဌာန်၊ဝိကပ္ပနာ၊ ပစ္စုဒ္ဓိုရ်ပြုခြင်းစသည့် ဝိနည်းတော်နှင့် အညီ အပ်စပ်အောင် ဆောင်ရွက်ကြရ၏။ကုသိုလ်ရှင်တစ်ဦး(သို့မဟုတ်)အများက သင်္ကန်းလှူရာတွင် ဝါဆိုသင်္ကန်းပါဘုရား-ဟု လျှောက်ထား လှူဒါန်း လာပါက လှူဒါန်းချိန်သည် ဝါတွင်းဖြစ်လျှင် ကျောင်းရှိ ဝါဆိုသံဃာအား ခွဲဝေ လှူဒါန်းရပါမည်။

ရှေးယခင်က သင်္ကန်း လှူဒါန်းကြရာတွင် သံဃာကိုသာ ရည်မှန်းပြီး လှူဒါန်းလေ့ရှိသောကြောင့် သံဃာများအား ခွဲဝေပေးရခြင်း ဖြစ်၏။ဝါကျိုးဝါပြတ်ဖြစ်သော ရဟန်းသည် ဝါဆိုသင်္ကန်း၊ကထိန်သင်္ကန်းတို့ကို အလှူခွင့်မရှိတော့၊အလှူခံပြီးသော်လည်း သံဃာအား ပြန်အပ်ရ၏။

ပြန်မအပ်ပါက ဘဏ္ဍာစားထိုက်၏။ပြန်မပေးမချင်း ကြေးယူထားသလိုမျိုးဖြစ်နေတော့သည်။တပေါင်းလပြည့်ကျော်တစ်ရက်မှ သီတင်းကျွတ်လပြည့်တိုင် (၇)လသော အကာလသင်္ကန်းချိန်၌ ဝါဆိုသင်္ကန်းပါဘုရား-ဟု လှူဒါန်းလာသော် “ယခင်နှစ် ဝါဆိုသံဃာကို လှူဒါန်းမှာလား၊ဒီနှစ် ဝါကပ်မည့်သံဃာကို လှူဒါန်မှာလား´´-ဟု အလှူရှင်ကို မေးမြန်းရပါမည်။

အလှူရှင်က ယခင်နှစ် ဝါ၌ ဝါဆိုပြီး သံဃာအား လှူဒါန်းပါသည်-ဟု လျှောက်ထားပါက အရင်နှစ်ဝါဆိုသံဃာများကိုသာ ခွဲဝေပေးရ၏။ဝါဆိုသံဃာ ကျောင်းပျောင်းသွားလျှင် ထိုရဟန်းနှင့် ရင်းနှီးကျွမ်းဝင်သော ရဟန်းတော်အား ထိုသင်္ကန်းကို ပေးလှူရပါမည်။

ယခင်နှစ်ဝါဆိုသံဃာသည် တစ်ပါးတည်း ကျန်ရှိနေပြီး၊အခြားသံဃာများ ပျံလွန်တော်မူသွားလျှင်လည်း ထိုအသက်မသေ ကျန်နေသော ရဟန်းတစ်ပါးတည်းသာ ရပိုင်ခွင့်ရှိပါသည်။ဝါဆိုသံဃာများအားလုံး ပျံလွန်ခဲ့သော် သံဃိက(သံဃာပိုင်ဥစ္စာ)ဖြစ်၍ ကျောင်း၌လက်ရှိ မျက်မှောက် သံဃာများ ခွဲဝေယူကြရပါသည်။

Credit to Pahtanpuzawkyathumyar

Post Author: Ma Ma Lay