ယနေ့လူငယ် ယနေ့ခေါင်းဆောင်

ယနေ့လူငယ် ယနေ့ခေါင်းဆောင်

၁။ နိုင်ငံတကာလူငယ်များနေ့

၁၉၉၉ ခုနှစ်မှာ ကုလသမဂ္ဂအဖွဲ့ကြီးက ဦးဆောင်ပြီး နှစ်စဉ် သြဂုတ်လ(၁၂)ရက်နေ့ကို နိုင်ငံတကာလူငယ်များနေ့ (International Youth Day) အဖြစ် သတ်မှတ်ပေးခဲ့ပါတယ်။ အဓိကကတော့ လူငယ်တွေရဲ့အခန်းကဏ္ဍကို အသိအမှတ်ပြုလာတဲ့သဘောပါ။

အဲဒီနှစ်ကစပြီး နှစ်စဉ်နှစ်တိုင်း Theme တစ်ခုစီသတ်မှတ်ပြီး အထိမ်းအမှတ်အခမ်းအနားတွေ ကမ္ဘာနဲ့တစ်ဝှမ်း လုပ်လာခဲ့ကြတာ ခုဆိုရင် (၁၇)နှစ်တိုင်တိုင် ရှိခဲ့ပြီဖြစ်ပါတယ်။ ပါတယ်။ ဒီနှစ် ၂၀၁၆ မှာတော့ The Road to 2030 ; Eradicating Poverty and Achieving Sustainable Consumption and Production (၂၀၃၀ သို့သွားရာလမ်း – ဆင်းရဲမွဲတေမှုပပျောက်ရေးနဲ့ စဉ်ဆက်မပြတ် သုံးစွဲမှုနဲ့ထုတ်ယူမှု ရရှိရေး) ဆိုတဲ့ခေါင်းစဉ်နဲ့ နိုင်ငံတကာလူငယ်များနေ့ကို ကျင်းပခဲ့ကြပါတယ်။

၂။ လူငယ်တွေ အရေးကြီးလား

ဒီနှစ်ခေါင်းစဉ်အကြောင်းကို မရှင်းပြခင် အရင်ဆုံး ပြောချင်တာက ခုဆို လူငယ်တွေကို ကမ္ဘာ့နိုင်ငံအသီးသီး၊ အဖွဲ့အစည်းအသီးသီးမှာ ဦးစားပေးလာကြတာကို တွေ့ရမှာပါ။ အဲဒါ ဘာဖြစ်လို့လဲ၊ လူငယ်တွေ ဘာကြောင့်အရေးကြီးတာလဲ သိဖို့လိုပါတယ်။

လူငယ်နဲ့ပတ်သက်တဲ့ အဓိပ္ပါယ်ဖွင့်ဆိုချက်တွေကတော့ အမျိုးမျိုးရှိပါတယ်၊ တစ်နေရာနဲ့တစ်နေရာ မတူကြပါဘူး။ ကျွန်တော်တို့ဆီမှာတော့ ၁၀နှစ်ကနေ ၂၄နှစ်ထိ အရွယ်တွေကို လူငယ်လို့ သတ်မှတ်ထားပါတယ်။ ယနေ့ကမ္ဘာ့လူဦးရေနဲ့ကြည့်မယ်ဆိုရင် လူဦးရေစုစုပေါင်း သန်း(၇)ထောင်ကျော် ရှိတဲ့အနက် သန်း ၁၈၀၀ ဟာ လူငယ်တွေ ဖြစ်ပါတယ်။

ပြောရရင် (၄)ယောက်မှာ (၁)ယောက်နှုန်း ရှိနေပါတယ်။ ၂၀၁၄ လူဦးရေစာရင်းအရ ကျွန်တော်တို့နိုင်ငံမှာဆိုလည်း ၂၈%ကျော်ကျော်ဟာ လူငယ်တွေပါ။ ဒါကြောင့် ဒီလောက်အင်နဲ့အားနဲ့ ရှိနေတဲ့ လူငယ်အင်အားစုရဲ့အား ကမ္ဘာကြီးအတွက်၊ ကျွန်တော်တို့နိုင်ငံအတွက် မဖြစ်မနေ လိုပါတယ်။

ဒါကြောင့် သူတို့တွေကို ပညာသင်ပေးရမယ်၊ အားပေးရမယ်၊ နေရာပေးရမယ်၊ အခွင့်အရေးပေးရမယ်၊ သူတို့အသံကို နားထောင်ရမယ်။ အလွယ်ပြောရင်တော့ Educate ၊ Engage နဲ့ Empower ဒီ(၃)ခုကို လုပ်ပေးရပါမယ်။

နောက်တစ်ခု၊ ကျွန်တော်တို့နိုင်ငံမှာ အခွင့်အလမ်းတစ်ခု ရနေတာရှိပါတယ်။ ဘာလဲဆိုတော့ Demographic dividend လို့ခေါ်တဲ့ လူဦးရေဆုလာဘ်ပါ။ နိုင်ငံရဲ့လူဦးရေအနေအထားအရ အလုပ်လုပ်နိုင်စွမ်းရှိတဲ့ Working age group မှာ အများဆုံးဖြစ်နေပြီး ကလေးသူငယ်၊ အသက်(၆၀)ကျော် မှီခိုလူအုပ်စုများမှာ နည်းပါးနေတာကို တွေ့ရပါတယ်။

ဒါဟာ ခုမှ စပြီး တိုးတက်အောင်ကြိုးစားရမယ့် ကျွန်တော်တို့နိုင်ငံအတွက် တကယ့်အခွင့်အလမ်းတစ်ခုလို့ ပြောရင်ရပါတယ်။ ဒါပေမယ့် အခွင့်အလမ်းဆိုတာ အခွင့်အလမ်းသက်သက်ပဲ၊ အားသာချက် ဖြစ်မလာသေးပါဘူး။ တိုင်းပြည်အတွက် အားသာချက်အဖြစ် ပြောင်းလဲနိုင်ဖုိ့ဆိုရင်တော့ သူတို့တွေကို ဦးတည်တဲ့၊ ကောင်းမွန်ခိုင်မာတဲ့မူဝါဒတွေ ချမှတ်ပြီး အကောင်အထည်ဖော်ပေးနိုင်ဖို့တော့ လိုပါတယ်။

၃။ ၂၀၃၀ သို့သွားရာလမ်း

၂၀၀၀ပြည့်နှစ်မှာ ကမ္ဘာနဲ့တစ်ဝှမ်း ဖွံ့ဖြိုးတိုးတက်ဖို့ဆိုတဲ့ ရည်ရွယ်ချက်နဲ့ (၁၅)နှစ်စာ စီမံကိန်းတစ်ခုကို ကုလသမဂ္ဂက ဦးဆောင်ပြီး ချမှတ်ခဲ့ပါတယ်။ အဲဒါကတော့ ထောင်စုနှစ်ဖွံ့ဖြိုးတိုးတက်မှုရည်မှန်းချက်များ (Millennium Development Goals-MDG) ဖြစ်ပါတယ်။ ပြီးခဲ့တဲ့ ၂၀၁၅မှာ သက်တမ်းပြည့်လို့ ပြန်သုံးသပ်ကြတဲ့အခါ အဲဒီရည်မှန်းချက်တွေထဲမှာ အောင်မြင်တာလည်း ရှိသလို၊ ထင်သလောက် မပေါက်ရောက်ခဲ့တာတွေလည်း ရှိတာကို တွေ့ရပါတယ်။

ဒီ့အပြင် ယနေ့ကမ္ဘာကြီးမှာ စိန်ခေါ်မှုအသစ်တွေလည်း ရင်ဆိုင်လာရပါတယ်။ ကျားမခွဲခြားဆက်ဆံမှုတွေ၊ ဆင်းရဲချမ်းသာကွာဟမှုတွေ၊ အကြမ်းဖက်မှု၊ လူမျိုးရေး ဘာသာရေးပဋိပက္ခတွေ၊ နောက် ကမ္ဘာကြီးပူနွေးလာမှုနဲ့ ရာသီဥတုပြောင်းလဲမှုတွေ၊ ဒါတွေလည်း ထပ်ကြုံလာရတဲ့အခါမှာ ပိုပြီး ရှုထောင့်စုံတဲ့ စဉ်ဆက်မပြတ်ဖွံ့ဖြိုးတိုးတက်မှု ရည်မှန်းချက်များ (Sustainable Development Goals-SDG) ဆိုတာကို ၂၀၁၅ စက်တင်ဘာလမှာ ထပ်မံအတည်ပြုချမှတ်ခဲ့ပါတယ်။

သူ့ကိုတော့ ၂၀၁၆ ကနေ ၂၀၃၀ အထိ (၁၅)နှစ်အတွင်း အကောင်အထည်ဖော်သွားမှာ ဖြစ်ပါတယ်။ အဲဒီလို ရည်မှန်းချက်တွေ အကောင်အထည်ဖော်ဖို့ဆိုရင် အရင်ဆုံးလုပ်ရမှာက ဒါတွေကို လူတွေအားလုံး သိနေဖို့ပါပဲ။ ဒါကြောင့်လည်း ယခုနှစ် နိုင်ငံတကာလူငယ်များနေ့မှာ ဒီခေါင်းစဉ်ကို သတ်မှတ်ပေးခဲ့တာ ဖြစ်ပါတယ်။

၎။ SDG မှာ ဘာရည်မှန်းချက်တွေပါသလဲ

SDG မှာ စုစုပေါင်း ရည်မှန်းချက်(၁၇)ခု ပါဝင်ပါတယ်။ အဲဒီ(၁၇)ခုကို အသေးထပ်စိတ်ရရင် ရည်မှန်းချက်စုစုပေါင်း ၁၆၉ ခု ရှိပါတယ်။ အဲဒါတွေကို ခြုံငုံပြီး 5 P နဲ့ ပြောလို့ရပါတယ်။ People (လူသားတွေရဲ့ ဆင်းရဲမွဲတေမှုနဲ့ ငတ်မွတ်မှုပပျောက်ရေး၊ ပညာရေး၊ ကျန်းမာရေး၊ ကျားမတန်းတူညီမျှမှုရှိရေး)၊ Planet (ကမ္ဘာမြေကြီး တည်တံ့ဖို့) Prosperity (စီးပွါးရေးဖွံ့ဖြိုးတိုးတက်ဖို့၊ အလုပ်အကိုင်အခွင့်အလမ်းတွေ များလာဖို့) Peace (ငြိမ်းချမ်းဖို့၊ အကြမ်းဖက်မှုတွေ၊ ပဋိပက္ခတွေ လျော့နည်းပပျောက်သွားဖို့) နဲ့ Partnership (ကမ္ဘာ့နိုင်ငံများအကြား ပူးပေါင်းဆောင်ရွက်မှုတွေ ပိုအားကောင်းလာဖို့) ဆိုတဲ့ ရည်မှန်းချက်တွေ ပါဝင်ပါတယ်။ ဒီနှစ်ခေါင်းစဉ်မှာ ပါတဲ့ ဆင်းရဲမွဲတေမှုပပျောက်ဖို့က ရည်မှန်းချက်နံပါတ် (၁)ဖြစ်ပြီး စဉ်ဆက်မပြတ် သုံးစွဲမှုနဲ့ထုတ်လုပ်မှုရှိဖို့ ဆိုတာကတော့ ရည်မှန်းချက်နံပါတ် (၁၂)ဖြစ်ပါတယ်။

၅။ စဉ်ဆက်မပြတ်ဖွံ့ဖြိုးတိုးတက်မှု ဆိုတာဘာလဲ

အရေးကြီးမကြီး မပြောခင် စဉ်ဆက်မပြတ် (Sustainability) ဆိုတဲ့အဓိပ္ပါယ်ကို ရှင်းပြလိုပါတယ်။ စဉ်ဆက်မပြတ် တိုးတက်ရမယ် ဆိုတဲ့အခါ လူတွေက ဘယ်လိုနားလည်ကြလဲဆိုတော့ ဥပမာ သစ်ခုတ်မယ်ဆိုပါစို့၊ ဒီနှစ်ကို သစ်တန်ချိန် (၁၀၀၀)ထုတ်မယ်၊ နောက်နှစ်ကို တန်(၂၀၀၀)ထုတ်မယ်၊ နောက်နှစ် (၃၀၀၀)၊ ဒါဆို စဉ်ဆက်မပြတ် တိုးတက်နေတယ်၊ ဒီလိုထင်တတ်ကြတယ်။

မဟုတ်ပါဘူး၊ တကယ်တော့ စဉ်ဆက်မပြတ် ဖွံ့ဖြိုးတိုးတက်မှုဆိုတာ လက်ရှိမျိုးဆက်ရဲ့ လိုအပ်ချက်ကိုလည်း ဖြည့်ဆည်းပေးရင်း၊ နောက်မျိုးဆက်တွေအပေါ်လည်း မထိခိုက်စေအောင် ဆောင်ရွက်တာမျိုးကို စဉ်ဆက်မပြတ် ဖွံ့ဖြိုးတိုးတက်တယ် ခေါ်တာပါ။ ဒီအဓိပ္ပါယ်ကို နားလည်ထားဖို့ သိပ်အရေးကြီးပါတယ်။

မနှစ်ကဒဏ်ရာတွေတောင် ကုစားလို့မပြီးသေးဘူး၊ ဒီနှစ်မှာလည်း မြန်မာနိုင်ငံအနှံ့အပြား ရေကြီးမှုတွေ ဖြစ်နေပြန်ပါပြီ။ ဒါတွေဟာ ဘာကြောင့်လဲဆိုရင် စဉ်ဆက်မပြတ်ဖွံ့ဖြိုးတိုးတက်မှုကို အလေးမပေး၊ ဂရုမထားခဲ့ကြခြင်းရဲ့ အကျိုးဆက်ပဲဖြစ်ပါတယ်။ စဉ်ဆက်မပြတ်ဖွံ့ဖြိုးတိုးတက်မှုဆိုတာ လူမှုရေး၊ စီးပွါးရေးတင်မကဘဲ သဘာဝပတ်ဝန်းကျင် ရေရှည်တည်တံ့ဖို့ပါ ပါဝင်ပါတယ်။

သဘာဝပတ်ဝန်းကျင်ကို မထိန်းသိမ်းရင် ဒီလိုသဘာဝဘေးအန္တရာယ်တွေ ပိုပိုဖြစ်လာမယ်၊ ဖြစ်တာချင်းတူရင်တောင် ဘယ်သူတွေ ပိုခံရမလဲဆို ဆင်းရဲတဲ့သူတွေ ပိုခံရမယ်၊ ဒီတော့ ဆင်းရဲချမ်းသာ ပိုကွာဟလာမယ်၊ လူမှုရေးမတည်ငြိမ်မှုတွေ ဖြစ်မယ်။ ဒါဆို ဆင်းရဲမွဲတေမှု ပပျောက်ဖို့ဆိုတာလည်း ဘယ်လိုမှ မဖြစ်နိုင်တော့ဘူး။

၆။ လူငယ်တွေ ဘယ်လိုပါဝင်ကြမလဲ

ရိုးရိုးလေးပဲတွေးကြည့်ပါ၊ လူငယ်တွေဟာ ဒီကမ္ဘာမှာ နောက်ထပ်နှစ်တွေအကြာကြီး နေရဦးမယ့်လူတွေ ဖြစ်ပါတယ်။ ဒါကြောင့် ဒီရည်မှန်းချက်တွေ အကောင်အထည်ပေါ်လာခဲ့ရင် စံစားရမယ့်သူတွေက လူငယ်တွေပဲဖြစ်သလို၊ မအောင်မြင်ခဲ့လို့ ခံစားရမယ်ဆိုလည်း ဒီလူငယ်တွေပဲ ဖြစ်ပါတယ်။ ဒါကြောင့် ဒီရည်မှန်းချက်တွေ အောင်မြင်ဖို့အတွက် လူငယ်တွေကိုယ်တိုင် ဦးဆောင်ပါဝင်ကြဖို့လိုပါတယ်။

လူငယ်တွေအနေနဲ့ စဉ်ဆက်မပြတ်ဖွံ့ဖြိုးတိုးတက်မှုနဲ့ ပတ်သက်တဲ့ လူတွေရဲ့အသိတွေ မြင့်လာအောင် ပြောပြပေးလို့ ရတယ်။ လူတွေရဲ့အမူအကျင့်တွေ ပြောင်းဖို့အတွက် Social campaign တွေ ဦးဆောင်လုပ်လို့ရပါတယ်။ ကြွပ်ကြွပ်အိတ်လျှော့သုံးဖို့၊ ရေချွေတာဖို့၊ အမှိုက်တွေစနစ်တကျ စွန့်ပစ်ဖို့ စတာတွေပေါ့။

ကိုယ်တစ်ဦးချင်းရဲ့ အမူအကျင့်များလည်း ပြောင်းဖို့လိုပါတယ်။ လူငယ်တွေကြားထဲမှာ လူမှုရေးတာဝန်သိတာ (Social responsibility ရှိတာ)ကို ဂုဏ်ယူတတ်တဲ့ ယဉ်ကျေးမှုမျိုး ထွန်းကားလာအောင် ဦးဆောင်ပြောင်းလဲပေးကြရမယ်။ နောက်ထပ်တစ်ခုက စီးပွါးရေးလုပ်ငန်းတွေကို သဘာဝပတ်ဝန်းကျင်ထိန်းသိမ်းဖို့ တွန်းအားပေးလို့ရတယ်၊ စောင့်ကြည့်ပြီး တောင်းဆိုလို့ရတယ်။ အစိုးရကိုရောပဲပေါ့။

၇။ အနာဂတ်ခေါင်းဆောင်တဲ့လား

တော်တော်များများက ပြောလေ့ရှိကြပါတယ်။ ‘ယနေ့လူငယ်တွေဟာ အနာဂတ်ရဲ့ခေါင်းဆောင်တွေပါ’ တဲ့။ လူငယ်လေးတစ်ယောက်က ဆွေးနွေးပွဲတစ်ခုမှာ ပြောသွားဖူးပါတယ်။ ကျွန်တော်တို့က အနာဂတ်ကျမှ ခေါင်းဆောင်ရမှာ မဟုတ်ပါဘူး၊ ခုကတည်းက ကိုယ့်သက်ဆိုင်ရာ နေရာအသီးသီးမှာ ဦးဆောင်ကြရမှာပါ တဲ့။

ဟုတ်ပါတယ်၊ အနည်းဆုံးတော့ အဖွဲ့အစည်းတစ်ခုခုမဟုတ်တောင် ကိုယ့်ကိုယ်ကိုယ်တော့ ခေါင်းဆောင်ရပါလိမ့်မယ်။ မြန်မာနိုင်ငံအတွက်ပဲဖြစ်ဖြစ်၊ ကမ္ဘာကြီးအတွက်ပဲဖြစ်ဖြစ် လူငယ်တွေရဲ့ အခန်းကဏ္ဍဟာ ဘယ်ခေတ်ကနဲ့မှ မတူအောင် အရေးပါလာကြပါပြီ၊ အရေးလည်းပေးလာကြပါပြီ။

ဒီအခွင့်ကောင်းကို လူငယ်တွေ အမိအရ ဆုပ်ကိုင်နိုင်ဖို့ လိုပါတယ်။ ဒါကြောင့် ကိုယ့်စိတ်ဓါတ်တွေ ပြောင်းလိုက်ပါ။ လူငယ်တွေဟာ အနာဂတ်ကျမှ ဦးဆောင်ဖို့လိုတာ မဟုတ်ပါဘူး။ ခုကတည်းက ဦးဆောင်ရပါလိမ့်မယ်။ ဟုတ်ပါတယ်။ ‘ယနေ့လူငယ်၊ ယနေ့ခေါင်းဆောင်’ ပါ။

 

ဒေါက်တာဖြိုးသီဟ

Post Author: Ma Ma Lay