ခွေးနှိမ်နင်းရေး အရေးကြီးပြီ

ခွေးနှိမ်နင်းရေး အရေးကြီးပြီ

ခွေးရူးအကြောင်း လွန်ခဲ့တဲ့ တစ်နှစ်ကျော်လောက် က ဆောင်းပါးတပုဒ်ရေးဖူးတယ်။ အခုလည်း အကြောင်းသင့်လို့ ထပ်ရေးပါရစေ။ ဘာကြောင့်လဲဆိုတော့ ဒီရက်ပိုင်းအတွင်းမှာပဲ ခွေးကိုက်ခံရတဲ့ လူနာတွေ နေ့စဉ်ရက်ဆက်နည်းပါးလောက် လာပြကြလို့ပါ။ ပျမ်းမျှအချိုးချကြည့်ရင် နှစ်ရက် တယောက်နှုန်းလောက် ရှိမယ် ထင်ပါတယ်။ အများသိထားသလို ခွေးကိုက်ပြီ ဆိုတာနဲ့ ခွေးရူးကာကွယ်ဆေး ထိုးရပါတယ်။ ဘာ့ကြောင့်လဲ ဆိုတော့ ခွေးရူး၊ခွေးကောင်း မခွဲခြားနိုင်လို့ပါ။ ခွေးရူးကာကွယ်ဆေး တလုံးရဲ့ ဈေးက ဒီနေ့ခေတ်ပေါက်ဈေးနဲ့ သောင်းဂဏာန်းလောက် ရှိပါတယ်။ ဆေးထိုးတဲ့အခါ တလုံး ထဲထိုးလို့မရဘူး။ အနည်းဆုံး လေးလုံး၊ငါးလုံး ထိုးရပါတယ်။ ထိုးတဲ့အခါ လက်မောင်း(သို့)ပေါင် ကို အသားဆေးထိုးရတယ်။ 

မေးစရာရှိတာက မတတ်နိုင်လို့ ကာကွယ်ဆေးမထိုးဘူးဆိုရင် ဘာဆက်ဖြစ်မလဲ။ အကိုက်ခံရတာ ခွေးကောင်းဆိုရင် ပြသနာမရှိပါ။ ကံဆိုးလို့ ခွေးရူးကိုက်ခံရတယ်ဆိုရင် ကာကွယ်ဆေးထိုးဖို့ လိုကိုလိုအပ်ပါတယ်။ မထိုးနိုင်ရင် ဗိုင်းရပ်စ်ပိုးက အာရုံကြောထဲ ရောက်သွားတာနဲ့ ဆရာဝန်လည်း မကယ်နိုင်ပါဘူး။ အဲဒီအချိန်ကျမှ ထိုးချင်လို့လည်း မရတော့ဘူး။ ရောဂါလက္ခဏာတွေ ပေါ်ပေါက်ပြီး နောက်ဆုံးမှာ သေဆုံးရပါတယ်။ ခွေးရူးအကိုက်ခံရရင် သေနှုန်းက (၁၀၀)ရာခိုင်နှုန်းထိ ရှိပါတယ်။ ဒါ့ကြောင့် ဆရာဝန်တွေဖက်က ကာကွယ်ဆေးထိုးဖို့ ပြောကြတာ ဖြစ်ပါတယ်။
 

ခွေးကိုက်ခံရသူ အမျိုးမျိုးရှိပါတယ်။ တချို့ခွေးက ပိုင်ရှင်ရှိပေမယ့် တချို့ခွေးတွေကတော့ လမ်းဘေးက ခွေးလေခွေးလွင့်တွေ ဖြစ်ကြတယ်။ ဆေးခန်းမှာ မကြာခဏရှင်းနေရတဲ့ ပြဿနာက ခွေးပိုင်ရှင်တွေနဲ့ပါ။ သူတို့ခွေးကို ကာကွယ်ဆေးထိုးပြီးသားဖြစ်လို့ ခွေးအကိုက်ခံရရင် ခွေးရူးကာကွယ်ဆေးထိုးဖို့ မလိုအပ်ဘူးဆိုတာမျိုး ပြောတတ်ကြတယ်။ သူတို့အမြင်နဲ့ မှန်တယ်ထင်ရပေမယ့် လက်တွေ့မှာ မမှန်ပါ။ ဘာ့ကြောင့်လဲဆိုတော့ ကာကွယ်ဆေးထိုးပြီးတိုင်း ဆေးအောင်တယ်လို့ ဘယ်သူကမှ (၁၀၀)ရာခိုင်နှုန်းအာမခံချက် မပေးနိုင်လို့ပါ။ တိရိစ္ဆာန်ဖြစ်လို့ ပိုဆိုးပါတယ်။ဒါဆို ခွေးတွေကို ကာကွယ်ဆေး ထိုးထားတာ အသုံးမဝင်ဘူးလား မေးစရာရှိတယ်။ ဆေးအောင်၊မအောင် ပြန်စစ်ထားသူတွေ အတွက်တော့ အကျုံးဝင်ပါတယ်။

 
ဒါနဲ့ ပတ်သက်ပြီး ၂၀၁၀တုန်းက ဆွီဒင်နိုင်ငံမှာ လေ့လာမှုတခုလုပ်ခဲ့ပါတယ်။ဒီလေ့လာမှုဟာ ခွေးပေါင်း ၆၈၀၀ကျော်ကို စမ်းသပ်ခဲ့တာဖြစ်ပြီး ကာကွယ်ဆေးထိုးပြီး ၃လအကြာမှာ ဆေးအောင်၊မအောင် ပြန်လေ့လာထားပါတယ်။ ဆေးထိုးပြီး တက်လာတဲ့ ခုခံအားပမာဏ 0.5IU/ml ရှိတဲ့ခွေးတွေကို ကာကွယ်ဆေးအောင်တယ်လို့ သတ်မှတ်ပါတယ်။ အဲဒီမှာ ၉၁ရာခိုင်နှုန်းဟာ ဆေးအောင်ကြတယ်ဆိုတာ တွေ့ရတယ်။ သတိပြုရမှာက စမ်းသပ်တာက ဆွီဒင်နိုင်ငံပါ။ မြန်မာနိုင်ငံ မဟုတ်ပါဘူး။ ဆွီဒင်ဆိုတာ ခွေးရူးကင်းစင်နိုင်ငံအဖြစ် သတ်မှတ်ထားတဲ့ နိုင်ငံတနိုင်ငံဖြစ်ပါတယ်။ အများစုဟာ အိမ်မှာတယုတယထားပြီး မွေးကြတာဖြစ်ပါတယ်။
မြန်မာ၊အိန္ဒိယနိုင်ငံလို ခွေးလေခွေးလွင့် ပေါများတဲ့နိုင်ငံမျိုးမဟုတ်ပါဘူး။ ဒီနိုင်ငံမှာ ခွေးတကောင်အကိုက်ခံရတာနဲ့ တခြားကို ကူးစက်ဖို့ အခွင့်အလန်းများပါတယ်။ ဒါတင်မကသေးဘူး။ ကာကွယ်ဆေးထိုးပြီးတိုင်း စိတ်ချလို့မရတဲ့အချက်တွေ ရှိတယ်။ ဥပမာ ထိုးတဲ့ ကာကွယ်ဆေးရဲ့ ကွာလတီကလည်း အရေးကြီးတယ်။ စောစောထိုးတဲ့ခွေး (၆လအောက်) နဲ့ အသက်ကြီးမှထိုးတဲ့ခွေး (၅နှစ်အထက်)တွေဟာ ကာကွယ်ဆေးကို တုံ့ပြန်မှုနည်းပါတယ်။ ဒီအချက်တွေကိုပါ ထည့်သွင်းစဉ်းစားရတယ်။ သေချာတာက ကာကွယ်ဆေးရဲ့ အောင်မြင်မှုက မြန်မာနိုင်ငံမှာ ၉၀ရာခိုင်နှုန်းရဲ့ အောက်မှာပဲ ရှိပါတယ်။ အနည်းဆုံး ခွေး(၁၀)ကောင်မှာ (၁)ကောင်ဟာ ဆေးမအောင်ပါဘူး။ ဒါ့ကြောင့် ခွေးပိုင်ရှင်များကို မေတ္တာရပ်ခံချင်တာက လူ့အသက်နဲ့ အလောင်းအစားမလုပ်ပါနဲ့။ စာနာစိတ်ထားပြီး ခွေးကိုက်ခံရသူများအတွက် တာဝန်ယူဆောင်ရွက်ပေးဖို့လိုအပ်ပါတယ်။ 
 
ခွေးကိုက်ခံရသူတွေ လေ့လာကြည့်ရင် အများစုက ပိုင်ရှင်မဲ့ လမ်းဘေးခွေး အကိုက်ခံရသူတွေ ဖြစ်ကြတယ်။ ပိုင်ရှင်မရှိတဲ့ ခွေးတွေအတွက် ဘယ်သူမှ တာဝန်မယူပါဘူး။ အဲဒီအတွက် ကိုယ့်ပိုက်ဆံနဲ့ ကိုယ် အကုန်ကျခံပြီးဆေးထိုးရတယ်။ အကယ်၍ အကိုက်ခံရတဲ့သူက တတ်နိုင်သူဆို တော်သေးရဲ့။ တခါတရံ လူနာတွေထဲမှာ ဆင်းရဲသူတွေပါရင် စိတ်မကောင်းစရာပါ။ ထိုးတော့ ထိုးချင်ပါရဲ့။ ဆေးဖိုး မတတ်နိုင်လို့ ဆေးမထိုးရသူတွေ အများကြီးရှိပါတယ်။ ခွေးကိုက်ခံရတာနဲ့ လေး၊ငါး၊ခြောက်သောင်းလောက် ထွက်ဖို့ သေချာနေပြီ မဟုတ်ပါလား။ စားဝတ်နေရေးအဆင်ပြေအောင် နေ့စဉ် ရုန်းကန်နေရသူတွေဖြစ်လို့ အပိုဝင်ငွေဆိုတာ နတ္တိပါ။ ဒီထဲမှာ အများစုဟာ သွားရင်း၊လာရင်း၊ဈေးရောင်းရင်း၊ပစ္စည်းပို့ရင်း ခွေးကိုက်ခံကြရတာပါ။ လုပ်ရင်းကိုင်ရင်းနဲ့ အကြောင်းမဲ့  အကိုက်ခံနေရတယ်။ ကိုက်တဲ့ခွေးတွေကလမ်းဘေးက ခွေးလေခွေးလွင့်တွေ ဖြစ်ပါတယ်။ 
 
ဆေးပညာမှာ ရောဂါကို ကုမှာလား၊ဝေဒနာကို ကုမှာလားဆိုတဲ့ ပြဿနာတရပ် ရှိပါတယ်။ ဥပမာ လူတယောက် ရောဂါပိုးကြောင့် အဖျားတက်လာတယ်။ ဒီအတွက် အဖျားကျဆေးသောက်ကြတယ်။ အဖျားကျဆေးဆိုတာက ခံစားရတဲ့ဝေဒနာကို သက်သာစေဖို့ ရည်ရွယ်တယ်။ သစ်ပင်လိုဆိုရင် အပေါ်ယံ အကိုင်းကိုပဲခုတ်လိုက်တာပါ။ ပင်စည်ကျန်သေးလို့ နောက်အတက်တွေက ထွက်လာဦးမှာပဲ။ သူ့နောက်ကွယ်က ဖြစ်စေတဲ့အကြောင်းရင်းကို ရှာပြီးကုသမှ ရောဂါပျောက်ပါတယ်။ အခုလည်း အလားတူပါပဲ။
မျက်စိနောက်တိုင်း ကိုက်တတ်တဲ့ လမ်းဘေးခွေးတွေသာ မရှိရင် ပြဿနာက ဒီလောက်မကြီးပါဘူး။ ခွေးကိုက်ခံရသူတွေ ဒီလောက်မများပါဘူး။ အကြောင်းရင်းက ခွေးလေခွေးလွင့် ပေါများနေခြင်းဖြစ်ပါတယ်။ လမ်းဘေးခွေးတွေကို မရှင်းလင်းနိုင်သ၍ ဒီပြဿနာကမပြေလည်ပါဘူး။ အကြောင်းမဲ့ ခွေးကိုက်ခံရတာကို မကာကွယ်နိုင်ပါဘူး။ နောက်တချက်က ခွေးမွေးတဲ့ ပိုင်ရှင်တွေအနေနဲ့ ကိုယ့်တာဝန်ကိုယ် ယူဖို့ဖြစ်ပါတယ်။ ကျွေးထားရုံနဲ့ တာဝန်ကျေပြီ မထင်စေချင်ပါ။ ကိုယ့်ခွေးက သူတပါးကို မနှောက်ယှက်နိုင်အောင်လည်း ထိန်းသိမ်းဖို့ စနစ်တကျ မွေးမြူဖို့ လိုအပ်ပါတယ်။ ဒီနိုင်ငံက ခွေးတွေကတော့ အဖက်ဖက်က လွှတ်ပေးထားတာဖြစ်လို့ ကံကောင်းကြရှာပါတယ်။ ကံမကောင်းတာက လူတွေ မဖြစ်ဖို့ လိုအပ်ပါတယ်။ 
 

၂၀၁၃နှစ်ကုန်ပိုင်းမှာ ထုတ်ပြန်တဲ့ စာရင်းတွေအရ ကမ္ဘာပေါ်မှာ ခွေးရူးကင်းစင်သတ်မှတ်ထားတဲ့ နိုင်ငံပေါင်း (၂၁)နိုင်ငံရှိပါတယ်။ အများစုဟာ ဥရောပနိုင်ငံတွေချည်း ဖြစ်ကြတယ်။ အာရှနိုင်ငံတွေထဲမှာ ဂျပန်တနိုင်ငံပဲ ပါတာ တွေ့တယ်။ မြန်မာနိုင်ငံပါဖို့ဆိုရင် ခွေးနှိမ်နင်းရေးသာမက ခွေးမွေးမယ့်သူတွေကိုပါ ပညာပေးဖို့ လိုအပ်ပါတယ်။ ဘာကြောင့်လဲဆိုတော့ ခွေးကိုက်တဲ့အခါတိုင်း တကယ်ဆုံးရှုံးနေရတာ နိုင်ငံတော်နဲ့ ပြည်သူဖြစ်လို့ပါ။ အခုထိုးနေတဲ့ ကာကွယ်ဆေးတွေက နိုင်ငံခြားက လာပါတယ်။ ခွေးကိုက်ခံရလို့ တကယ်အမြတ်ထွက်တာက နိုင်ငံတော် မဟုတ်ပါဘူး။

ထုတ်လုပ်တဲ့ နိုင်ငံခြားကုမ္ပဏီတွေ ဖြစ်ပါတယ်။ ကိုက်သမျှလူနာ ဆေးထိုးနေရတာ ပြည်သူ့ဘဏ္ဍာတွေနဲ့ပါ။ တနည်းအားဖြင့် နိုင်ငံ့ဘဏ္ဍာတွေ အလဟဿဆုံးရှုံးနေရခြင်း ဖြစ်ပါတယ်။ တွေးကြည့်ရင် နှမြောစရာလည်း ကောင်းပါတယ်။ တိုင်းပြည်က ဆင်းရဲပါတယ်။ ကျန်းမာရေးအတွက် ထောက်ပံ့မှုကလည်း အခုထိ မလုံလောက်သေးပါဘူး။ လုံလောက်အောင် လုပ်ဖို့က ကာကွယ်ဆေးမဟုတ်ပါဘူး။ ခွေးတွေကို စနစ်တကျမွေးမြူဖို့နဲ့ လမ်းဘေးခွေးတွေ ကင်းစင်စေဖို့ ဖြစ်ပါတယ်။ အဲဒီအတွက် အာဏာပိုင်အဖွဲ့အစည်းတွေ အနေနဲ့ တတ်နိုင်တဲ့ဖက်က ကူညီဆောင်ရွက်ပေးသင့်ပါတယ်။ ခွေးလေ၊ခွေးလွင့် နှိမ်နင်းရေး စီမံချက်တွေနဲ့ လုပ်ဆောင်ဖို့ အရေးကြီးပြီလို့ ယူဆပါတယ်။
 
ဒေါက်တာ အေးမင်းထူး

 

Post Author: Ma Ma Lay