ကံမြင့်အောင် လုပ်ပေးပါ

ကံမြင့်အောင် လုပ်ပေးပါ

များစွာသောသူတို့သည် ကံဆိုသော စကားလုံးနှင့်ရင်းနှီးကျွမ်းဝင်ပြီးသား ဖြစ်ကြ၏။ တွေ့ကြုံခံစားရသော အခြေအနေတစ်ရပ်အပေါ် မူတည်ကာ ကံကောင်းသည်၊ ကံဆိုးသည်၊ကံနိမ့်သည်၊ ကံမြင့်သည်၊ ကံလိုက်သည် ကံမလိုက်၊ ကံစပ်သည် ကံမစပ်၊ ကံစွမ်းရှိသည်၊ ကံစွမ်းမရှိစသည်ဖြင့် ကောက်ချက်ဆွဲကာ သုံးနှုန်းပြောဆိုတတ်ကြသည်။ သို့သော်လည်း ကံဆိုသည့်စကားလုံး၏ ဆိုလိုရင်းအဓိပ္ပာယ် ကိုထဲထဲဝင်ဝင်ဆစ်ပိုင်းကာ နားလည်သဘောပေါက်ခြင်း မရှိကြသည်သာ များပါသည်။ အထူးအားဖြင့် စီးပွားရေး၊ ကျန်းမာရေး၊လူမှုရေးတို့အဆင်မပြေချိန်တွင် ကံကို ယိုးမယ်ဖွဲ့ကာ တရားခံရှာကြ၏။ မိမိကိုယ်တိုင်က ကံနိမ့် နေပြီဟု အထင်ရှိချိန်၊ တစ်ဦးတစ်ယောက်က အကြောင်းပြပြောဆိုလာချိန်တွင် ထိတ်လန့်တုန်လှုပ်တတ်ကြပြီး၊ ကံဇာတာမြင့်နေသည် ကံကောင်းချိန်ဖြစ်သည်ဟုဆိုလာပါက ကျေနပ်အားရတတ်ကြ၏။

ထို့ကြောင့်ပင်လျှင် ကံကောင်းစေသည်ဟု ပြောဆိုသောအဆောင်လက်ဖွဲ့စသည်တို့ကို ရှာဖွေ စုဆောင်းကြ၏။ မိမိ၏ကံကိုမြင့်တက် သွားအောင် လုပ်ပေးနိုင်သည်ဟုဆိုသူတို့ကို အလွယ်တကူ အလေးထားဆည်းကပ်ကြလေတော့သည်။ ရန်ကုန်မြို့ထဲရှိ အလွန်ရင်းနှီးသော ဒကာတစ်ယောက်အိမ်တွင် ဆွမ်းဘုဉ်းပေးရသောနေ့ကဖြစ်၏။ နယ်မှ ခဏရောက်လာသော ဖခင်ကြီးနှင့်တကွ သားသမီးမိသားစုများ စုံညီစွာဖြင့်ဆွမ်းကပ်ကြသည်။ သူတို့၏မိတ်ဆွေများလည်းရောက်လာကြပြီး ဆွမ်းစားအပြီး တွင်စကားပြောဖြစ်ခဲ့ပါသည်။ စပ်မိစပ်ရာပြောဆိုကြပြီးတွင်

“အရှင်ဘုရား၊ကံမြင့်အောင် လုပ်ပေးနိုင်တယ်ဆိုတာ ဟုတ်ပါသလားဘုရား” ဟု မေးမြန်းလာသော ဧည့်သည်ဒကာတစ်ဦး၏ ဆိုလိုချက်ကို သဘောမပေါက်လိုက်သောကြောင့်အကျိုးအကြောင်းသိစေရန် “ဘာဖြစ်လို့လဲ”ဟုပြန်လှန်မေးခွန်းထုတ်ရပါသည်။

“တပည့်တော်မှာ မိတ်ဆွေတစ်ယောက်ရှိပါတယ်။ အခုခေတ်နဲ့ပြောရင်တော့အရမ်းချမ်းသာတယ်ပေါ့ဘုရား၊ လုပ်သမျှလုပ်ငန်းကြီးတွေ အားလုံးလည်းအဆင်ပြေအောင်မြင်တာချည်းပဲ။ သူ့အပြောကတော့ ဘုရား၊ သူ့မှာကိုးကွယ်တဲ့ဆရာတော်တစ်ပါးရှိတယ်။ ကံနိမ့်နေသူ တွေ အဆင်မပြေသူတွေကိုကံကောင်းအောင် ကံမြင့်သွားအောင်လုပ်ပေးနိုင်စွမ်းရှိတယ်။အဲဒီဆရာတော်ကို ကိုးကွယ်ဆည်းကပ်လို့ အဆင်ပြေအောင်မြင်တာ ချမ်းသာလာတာလို့ပြောပါတယ်။ ဒါကြောင့် မေးကြည့်တာပါဘုရား” ထိုဒကာမှာ အမှန်တကယ်နားမလည်၍ ရိုးသားစွာမေးမြန်းခြင်းဖြစ်ပါသည်။ စီးပွားရေးကို အားသွန်နေချိန်ဖြစ်၍ ဘာသာရေးကို မလေ့လာ ဖြစ်သေးပါဟု တင်ကြိုပြောဆိုထားသောကြောင့် လွယ်လွယ်နှင့် နားလည်သွားအောင် ရှင်းပြရပေတော့မည်။ “ဒါဆို ဘုန်းကြီးရှင်းပြပါ့မယ်။ ပြီးမှ ကိုယ်တိုင် ဆုံးဖြတ်ပါ။ ဘုန်းကြီးတို့ရဲ့ဆရာ ဓမ္မဒူတဆရာတော်ကြီး ကံအကြောင်းပြောတဲ့ တရားပွဲ တွေမှာ ထည့်သွင်းဟောပြောလေ့ရှိတဲ့ဆောင်ပုဒ်ကလေးတစ်ခုရှိတယ်။

“ကံဆိုတာအလုပ်၊အလုပ်ဆိုတာကံ။အလုပ်မကောင်း၊ကံမကောင်း။အလုပ်ကောင်းမှ ကံကောင်းမည်။ကံကောင်းအောင် ကောင်းကောင်း လုပ်” တဲ့။ “ကံဆိုတာအလုပ်ဆိုတဲ့နေရာမှာ ဘယ်သူလုပ်တဲ့အလုပ်ဆိုရင် ကိုယ်ကိုယ်တိုင်ပြုလုပ်တဲ့အလုပ်လို့ဆိုပါတယ်။ နေ့စဉ်ဘ၀မှာ မဖြစ်မနေ ပြုလုပ်ဆောင်ရွက်နေကြတဲ့ ခန္ဓာကိုယ်နဲ့ ပြုတဲ့ ကာယကံ၊ နှုတ်နဲ့ပြောဆိုတဲ့ ၀စီကံ၊ စိတ်ကကြံစည်တဲ့ မနောကံတွေဟာ ကိုယ့်ရဲ့အလုပ် ကိုယ့်ရဲ့ကံတွေဖြစ်ပါတယ်။ ကမ္မဿကောမှိ။ကမ္မဒါယောဒေါ – ကိုယ်ပြုလုပ်ပိုင်ဆိုင်တဲ့ ကိုယ့်ကံရဲ့အမွေကို ခံယူကြရတယ်။ နေ့စဉ်နေ့တိုင်း ပြုမူဆောင်ရွက် ကြံစည်နေကြတဲ့နေရာမှာ ကောင်းတာလုပ်ရင် ကံကောင်းမယ်။ မကောင်းတာလုပ်ရင် ကံမကောင်းဘူးပေါ့။အဲဒီကောင်းကံမကောင်းကံ တွေကြောင့်ဖြစ်ပေါ်လာတဲ့ အကျိုးတွေကိုတော့ ကောင်းသည်ဖြစ်စေ၊ဆိုးသည်ဖြစ်စေ ခံယူကြတော့မှာပဲ။ ငြင်းဆန်လို့ရွေးချယ်လို့ မရ တော့ဘူး။ ကောင်းမှုပြုရင် ကံကောင်းမယ်၊ အကျိုးပေးကောင်းမယ်။ မကောင်းမှုပြုရင် ကံမကောင်းဘူး၊ အကျိုးပေးမကောင်းဘူးလို့ တထစ်ချမှတ် ပါ။ ဒါဟာ ကံ ကံရဲ့အကျိုးပေးလို့ ယုံကြည်တဲ့ ကမ္မဿကတာ သမ္မဒိဋ္ဌိဉာဏ်လို့ ခေါ်ပါတယ်။

ဗုဒ္ဓဘာသာဝင်တိုင်း ဒီလောက်တော့ သိနားလည်အောင် လေ့လာထားဖို့လိုပါတယ်။ မိမိရဲ့ကံကောင်းမကောင်း၊ နိမ့်မနိမ့်၊ မြင့်မမြင့်ဆိုတာ မိမိအပေါ်မှာပဲ လုံးဝမူတည်ပါတယ်။ ဘယ်သူကမျှပြုပြင်ပြောင်းလဲပေးဖို့ မဖြစ်နိုင်ပါ ဘူး။ ကိုယ်တိုင်ပြုမှ ကိုယ့်ကံပါ။ သူများကလုပ်ပေးတယ်ဆိုရင်တောင် သူများကံဖြစ်သွားတော့မှာပါ” ထိုဒကာမှာ ဘာမျှပြန်လည်ပြောဆိုခြင်းမရှိဘဲဆိတ်ဆိတ်နေပါသည်။ စဉ်းစားနေပုံရ၏။မိတ်ဆွေဖြစ်သူချမ်းသာနေသည်မှာလည်း လက်တွေ့မျက်မြင်မို့ လက်ခံရန်ခက်နေသလားတော့မသိပါ။ စိတ်ထဲတွင် သိပ်ဘ၀င်ကျဟန်တော့မတူပါ။ အသိအမြင်ရှင်းမှသာလျှင် ကျေနပ်လက်ခံမည်မှာ သဘာဝမို့ တစ်မျိုးလှည့်ကာ ပြောရပြန်သည်။ “ဘုန်းကြီးတစ်ခုမေးမယ်နော်။ ဒကာရဲ့မိတ်ဆွေ ကြီးပွားချမ်းသာလာတော့ သူကိုးကွယ်တဲ့ဆရာတော်အတွက်ဘာတွေလုပ်ပေးသလဲ” “အကုန်ပေါ့ဘုရား၊ ဘာမျှလိုလေသေးမရှိစေရဘူး။တိုက်တွေ၊ကားတွေကအစ အားလုံးလှူဒါန်းပါတယ်။ လှူတာတွေကလည်းအတော် များနေပါပြီ”

“ဒကာပြောသလိုဆို အဲဒီ ဆရာတော်က ပိုပြီးကံကောင်းတယ်လို့ မပြောနိုင်ဘူးလား။ ကံမြင့်အောင် လုပ်ပေးတယ်လို့ပြောရုံနဲ့ သူ့အတွက် အားလုံးပြည့်စုံသွားတယ်လေ။ လူတစ်ရာကိုပြောလို့ တစ်ယောက် တည့်သွား မှန်သွားရင်ပဲ အဆင်ပြေပြီနော်။ ဒကာရဲ့မိတ်ဆွေအကြောင်းအားလျော်စွာ ချမ်းသာသွားတာကို သူ့အပြောနဲ့တိုက်ဆိုင်သွားတာလည်း မဖြစ်နိုင်ဘူးလား” စာရေးသူ၏စကားဆုံးလျှင် တစ်စုံတစ်ရာကို တွက်ဆကြည့်နေဟန် တူပါသည်။ ခဏကြာမှ ပြုံးယောင်သန်းလာပြီး – “ဟုတ်တယ် ဘုရား။ တပည့်တော် ခပ်ရေးရေးတော့ သဘောပေါက်လာပါပြီ”ဟုပြောဆို လျှောက်ထားပါသည်။ “ဘုန်းကြီးအရင်ဆုံးတွက်ပြမယ်။ တကယ်သာ ကံမြင့်ပြီး ချမ်းသာအောင်လုပ်ပေးနိုင်တယ်ဆိုရင် ကိုးကွယ်ဆည်းကပ်သူတိုင်း မီလျံနာ သူဌေးကြီးတွေ ဖြစ်ကုန်ပြီပေါ့။ ခုတော့ အားလုံးချမ်းသာသွားကြတာမှ မဟုတ်ဘဲ၊ တစ်ယောက်စ နှစ်ယောက်စဆိုရင်တော့ အဲဒီ ဆရာတော်လုပ်ပေးလို့ ဘယ်ဟုတ်တော့မှာလဲ။ ကံ၊ဉာဏ်၊၀ီရိယကြောင့် ဖြစ်လာတာလို့သာ မှတ်ရမှာပါ။ “ဒါမှမဟုတ် ကျိန်းသေဧကန် လုပ်ပေးနိုင်စွမ်း တကယ်ရှိတယ်ဆိုရင် အဲဒီဆရာတော် တရားမျှတမှု မရှိဘူးလို့ စွပ်စွဲရမှာပဲ” “ကိုးကွယ်သူတွေအများကြီးထဲမှာ အားလုံးကိုတော့ လုပ်မပေးဘဲ ချမ်းသာပြီးသားလူတွေကိုသာ ပိုပိုပြီးချမ်းသာအောင် လုပ်ပေးရာ မရောက်ဘူးလား။ ကိုးကွယ်ဆည်းကပ်ပြီး ချမ်းသာမလာတဲ့ သူတွေကိုကျတော့ကော ဘယ်လိုပြောရမှာလဲ”

“ဟုတ်လိုက်တာ ဘုရား၊ တပည့်တော်ခုမှ သဘောပေါက်သွားတယ်။ အဲဒီဘက်က မစဉ်းစားမိလိုက်ဘူး။ ဟုတ်ပါတယ် ဘုရား၊ တပည့်တော် နားလည်ပါပြီ” ကျေနပ်သွားပုံရပါသည်။ နားလည်ရခက်သောပုစ္ဆာတစ်ပုဒ်ကိုအဖြေမှန်ရအောင် ရှာဖွေတွေ့ရှိသွားသူကဲ့သို့ ရွှင်လန်းတက်ကြွဝမ်းမြောက် နေပါသည်။ “အရှင်ဘုရား၊ အတိတ်ကံအကြောင်းလည်း နည်းနည်းပြောပြပါဦး ဘုရား” နားထောင်နေသော အိမ်ရှင်ဒကာကြီးက ပိုမိုပြည့်စုံစွာ သိစေလိုသော စေတနာဖြင့် တိုက်တွန်းတောင်းပန်လိုက်ခြင်းပြု၏။ ဒကာကြီးမှာ ရတနာသုံးပါးကို စနစ်တကျနီးကပ်စွာဆည်းကပ်နေသူဖြစ်ပြီး တရားနာခြင်း၊ တရားအားထုတ်ခြင်းတို့ဖြင့် ဘာသာရေးဗဟုသုတ ကြွယ်ဝသူလည်း ဖြစ်သည်။ ကံအကြောင်းနှင့်ပတ်သက်၍ ဧည့်သည်များကို တင်ကြိုရှင်းပြထားပြီး ပိုမိုအချိုးကျနစွာ သိစေရန် စာရေးသူရှိရာ အပေါ်ထပ်သို့ ခေါ်လာသူလည်းဖြစ်သည်။ “ဘုန်းကြီးတို့ ဗုဒ္ဓစာပေအရ လူတစ်ယောက်ရဲ့ကံကို သုံးသပ်ကြည့်မယ်ဆိုရင် အတိတ်ကံနဲ့ ပစ္စုပ္ပန်ကံလို့ နှစ်မျိုးခွဲပြီးသိရပါမယ်။

လက်ရှိဘ၀ပြုမူဆောင်ရွက်နေတာက ပစ္စုပ္ပန်ကံပါ။ ဟိုးအရင်အရင်ဘ၀တွေက ပြုစုဆည်းပူးခဲ့တာတွေကအတိတ်ကံပါ။ “ဥပမာအားဖြင့် လူတစ်ယောက်ကြီးပွားချမ်းသာလာတာနဲ့ ပတ်သက်ပြီး ကြည့်မယ်ဆိုရင် အတိတ်က ချမ်းသာစေနိုင်တဲ့ကံတွေအများ ကြီး ပါခဲ့ပေမဲ့ လက်ရှိဘ၀မှာ ကောင်းတဲ့ကုသိုလ်ကံတွေ အပြုနည်းမယ်ဆိုရင် အကျိုးပေး ခွင့်မသာလို့ ထင်သလောက် အကျိုးမပေး ပါဘူး။ “ဒီအတိုင်းပဲ လက်ရှိဘ၀မှာ အားကြိုးမာန်တက် ကုသိုလ်ကောင်းမှုတွေ ပြုနေပေမဲ့ ကောင်းကျိုးတွေ ဖြစ်မလာပါလားလို့ သံသယ မ၀င်ပါနဲ့။ ကိုယ့်အတိတ်ကံကြောင့်လို့ သဘောပေါက်ပါ။ “အတိတ်ကံဆိုတာက မမြင်နိုင်မသိနိုင်လို့ ထားလိုက်ပါ။လက်ရှိအချိန်မှာအကောင်းဆုံးဖြစ်အောင်ပြုမူပြောဆိုနေထိုင်မယ်ဆိုရင် ထိုက်တန်သလောက်တော့ အကျိုးဖြစ်လာမှာပါ” “ဒါကြောင့် ဘုန်းကြီးနောက်ဆုံးပြောချင်တာကကိုယ့်ကံကိုကိုယ်ယုံပါ။ သူများကိုသွားပြီး မမြှင့်ခိုင်းဘဲ ကိုယ်တိုင် မြှင့်တင်တဲ့အနေနဲ့ ကောင်းမှုတွေကို ကြိုးစားပါ။ ကိုယ့်ဘာသာကိုယ်မြင့်အောင် လုပ်ပါလို့ တိုက်တွန်းချင်ပါတယ်”

“မှန်လှပါဘုရား” တရားလမ်းကြောင်းဆိုသည်မှာ မလျှောက်လှမ်းဖြစ်သေးရင်တောင် လမ်းမှန်ပေါ်မှာ ရပ်မိနေဖို့တော့ အရေးကြီးပါသည်။ လမ်းမှားကို လိုက်မိလျှင်တော့ဖြင့်…။

Credit to ဓမ္မဒူတ ဒေါက်တာအရှင်ပညိဿရ

Post Author: Ko Sai