မေတ္တာပို့စဉ် စိတ်ထားနည်း

မေတ္တာပို့စဉ် စိတ်ထားနည်း

စူးရှအောင် အဘယ်သို့ မေတ္တာဖြန့်ရပါမည်နည်း။

မေတ္တာဖြန့်ရာတွင် ရည်ညွှန်းသော သြဒိသမေတ္တာ မရည်ညွှန်း သော အနောဓိသမေတ္တာနှစ်မျိုးရှိရာ အနောဓိသမေတ္တာထက် သြဒိသမေတ္တာကစူးရှသည်။

သြဓိသတွင်လဲ မြင်ဖူးသူ မမြင်ဖူးသူရှိပြန်ရာ မမြင်ဖူးသူထက် မြင်ဖူးသူကို စူးရှသည်။
မြင်ဖူးသူတွင်လဲ အမြင်နည်းသူထက် အမြင်များသူကို စူးရှသည်။
အမြင်များသူတွင်လဲ အကျွမ်းမဝင်သူထက် အကျွမ်းဝင်သူကို စူးရှသည်။
အကျွမ်းဝင်သူတွင်လဲ နေ့အခါထက် ညအခါ စူးရှသည်။
ညအခါတွင်လဲ မေတ္တာအပို့ခံရသူက လှုပ်ရှားနေသူ ထက် ငြိမ်နေသူကို စူးရှသည်။
ငြိမ်နေသူတွင်လဲ အမှတ်တမဲ့ဖြန့်ခြင်းထက် ချိန်၍ ဖြန့်ခြင်းက စူးရှသည်။

သို့ဖြစ် လေရကား မကျန်းမာ၍ဖြစ်စေ တစ်စုံတစ်ခုကြောင့်ဖြစ်စေ ဆင်းရဲဒုက္ခတွေ့နေသူအား နေ့ရက် အချိန် မျက်နှာပုံ နေထိုင်ပုံစသည်တို့ကိုသိအောင် ချိန်းဆိုပြီး ထိုသူ၏ နှလုံးအိမ်ကိုဖြစ်စေ ခံတွင်းပေါက်ကိုဖြစ်စေ သေသေချာချာ ချိန်လျှက် “မည်သူချမ်းသာပါစေ” ဟူသော မေတ္တာဓာတ်ကို ထပ်တလဲလဲ စွဲစွဲမြဲမြဲ ဇွဲသန်သန်နှင့် ဖြန့်ဖြူးသွန်း လောင်းနိုင်ပါမူ သိသိသာသာ စူးရှသည်ကို တွေ့မြင်ရပါလိမ့်မည်။

သေဒကသုတ် ပါဠိတော်အရ “သူ့အကျိုးဆောင်၍ ကိုယ့်အကျိုးအောင်” ဟူသောအလုပ်သည် ဗြဟ္မာ့ဝိဟာရ လုပ်ငန်းသာလျှင် ဖြစ်ကြောင်း ဟောတော်မူ၏။

မိမိမေတ္တာပွားပို့ခြင်းကြောင့် ကမ္ဘာသူကမ္ဘာသား (၃၁)ဘုံသူ၊ (၃၁)ဘုံသားတို့ အအေးဓာတ်ကူးကာ ချမ်းသာနိုင်သည့်သဘောသည် မည်သည့်ရှုထောင့် မည်သည့်အမြင်အရ မဆို ထင်ရှားလှပေသည်။ ကျေနပ်ထိုက်လှပေသည်။ ယုံကြည်အားကိုးထိုက်လှပေသည်။ မေတ္တာပွားခြင်းဖြင့် သတ္တဝါများအတွက် အကောင်းဆုံးသော အကျိုးဆောင်ခြင်း ဆုလာဘ်ကြီးများကို ဝေငှ နေခြင်းပင်ဖြစ်၍ တန်ဖိုးကြီးမြတ်လှသော အသက်ရှင်ရခြင်းဖြစ်ကြောင်း ထင်ရှားလှပေသည်။

မေတ္တာပို့စဉ် စိတ်ထားနည်း

၁။ မေတ္တာမပွားပို့မီ မိမိတစ်ကိုယ်လုံး သန့်စင်သွားစေရန် ဦးစွာသီလဖြင့် ဆေးကြောပါ။(ငါးပါးသီလ ရှစ်ပါးသီလ ခံယူပါ)။ ပို့လွှတ်ရာ၌ ပို၍ အင်အားကြီးအားစေရန် ဂုဏ်တော်များကို ပွားများကာ တစ်ကိုယ်လုံး မွှမ်းထုံ ထားရမည်။

၂။မေတ္တာ၏ သဘောအဓိပ္ပါယ်ကို ကျေညက်အောင် လေ့လာ၍ မေတ္တာအင်အားကို အကြွင်းမဲ့ ယုံကြည်ရမည်။

၃။ အသက်ထင်ရှား ကျေးဇူးများ၍ လေးစားထိုက်သော ဆရာသမား ဘိုးဘွားမိဘနှင့် သာသနာ့အကျိုး သတ္တဝါ အကျိုးတို့ကို ဆောင်ရွတ်တော်မူကြသော ဆရာတော်ကြီးများ အရိယာသူတော်ကောင်းကြီးများအား အနည်းဆုံး ဆယ်ဦးခန့် သီးသန့်ရွေးချယ်၍ ဦးစွာပို့သရမည်။

၎။ပြီးလျှင် တိုင်းပြည် မြို့ရွာ အကြီးအကဲများနှင့် အရပ်ဆယ်မျက်နှာရှိ သတ္တဝါများကို မေတ္တာပို့လွှတ်ရမည်။

၅။ သတ္တဝါအများ ကောင်းစားချမ်းသာစေလိုသော မိမိပို့လွှတ်သည့် မေတ္တာလှိုင်းများ မိမိပို့လွှတ်ရာသို့ အမှန်တကယ် ရောက်ရှိသွားပြီ၊မေတ္တာခံသူများ အမှန်တကယ် ချမ်းသာနေကြပြီဟု စိတ်ထဲကယုံကြည်ထင်မှတ် နေရမည်။မေတ္တာခံသူထံ မိမိမေတ္တာရောက်ကြောင်း သင်ကိုယ်တိုင် သိလာပါလိမ့်မည်။

၆။ ငါသည် တစ်လောကလုံး ငြိမ်းချမ်းသာယာရေးအတွက် ၆၄ ကမ္ဘာတိုင်တိုင် အာနိသင်အား မကုန်ဆုံး နိုင်အောင် အင်အားကြီးမားသော အကောင်းဆုံး အမြတ်ဆုံး ကုသိုလ်ကြီးကို လုပ်နေသူဖြစ်သည် ဟု ဝမ်းမြောက်ကာ အသက်မှန်မှန်ရှူ သက်သာသော အနေအထားဖြင့် အဆက်မပြတ် ပို့လွှတ်ရမည်။

၇။ကိစ္စတစ်စုံ တစ်ရာ ဆောင်ရွတ်ရန်ရှိသောအခါ သွားမည့် နေရာ သွားကိစ္စနှင့်စပ်သမျှ တစ်ဦးချင်း မြင်အောင် ကြည့်ပြီး “ချမ်းသာပါစေ”ဟု မေတ္တာအအေးဓာတ်များကို ကြိုတင်ပို့လွှတ်ထားရမည်။သတ္တဝါတစ်စုံတစ်ဦးနှင့် ကြုံတွေ့ရာ၌လဲ အလျင်ဦးအောင် မိမိက စတင်မေတ္တာပို့ပေးပါ။( သို့သော် မိမိအကျိုးရမှု မိမိအားအနှောင့် အယှက် မပေးစေလိုမှုများ အလျှင်းမပါရှိစေရ။ ထိုသူများ ချမ်းသာကောင်းစားစေချင်သည့် စိတ်ကိုသာ ဖြစ်ပွားနေစေရမည်။)

၈။တတ်နိုင်လျှင် မေတ္တာခံယူသူ တည်ငြိမ်အေးဆေးစွာ နေချိန်မျိုး( ဥပမာ- ညအိပ်နေချိန်မျိုးမှာ) ပို့လွှတ်ရမည်။ (သို့ရာတွင် အိပ်မွေ့ချသကဲ့သို့ အမိန့်ပေးခြင်း ၊ စုံစမ်း စမ်းသပ်ခြင်းမျိုး မဖြစ်စေရ)။လိုအပ်လျှင် နိမိတ်ထင်လွယ် အောင် ထိုသူ၏ တစ်ကိုယ်လုံးပေါ် ဓာတ်ပုံကို အသုံးပြုနိုင်သည်။

၉။မေတ္တာခံယူသူကို မိမိအနီးအပါး၌ မျက်နှာချင်းဆိုင် ထိုင်လာနေသကဲ့သို့ စိတ်ညွှတ်ယူ၍ ထိုသူ၏ မျက်စိ မျက်နှာ ပုံပန်းသဏ္ဍာန်ကို ဓာတ်ပုံရိုက်သကဲ့သို့ ခြေဆုံးခေါင်းဆုံး ကွက်ကွက်ကွင်းကွင်း ထင်အောင်မြင်အောင် ကြည့်ပြီး အထပ်ထပ်ပွားပို့ရမည်။

မှတ်ချက်။ ။အရှင်ပညာစက္က၏ ပရိတ်တော် ဂါထာတော်များ စာအုပ်မှ ကောက်နှုတ်ချက်ဖြစ်ပါသည်။

Post Author: Ko Sai